Mu buzima bwa buri munsi, abantu benshi bahura n'ibigeragezo, amagambo y'abandi, ndetse n'imbogamizi ziba zituma batakaza icyerekezo. Kugira imbaraga z'umutima ni imwe mu ntwaro ikomeye igufasha guhangana n'ubuzima no gukomeza inzira wihaye.
Hano hari inama ngufi 11 zagufasha gukomeza kugira imbaraga z'umutima no kubaho ubuzima bufite intego:
i. Kurikira inzozi zawe wenyine:
Inzozi zawe ni izawe, ntizigomba gusobanurwa n'uko abandi bazifata. Rimwe na rimwe uzasanga uri wenyine mu rugendo rwawe, ariko ntugacogore. Umuntu wese ugera kure aba yaragize ubutwari bwo kugendera mu nzira ye bwite.
ii. Fata ubuzima bwawe nk'inshingano zawe
Ntawundi muntu uzaza kubaka ubuzima ushaka. Ibyemezo byose bigira ingaruka ku buzima bwawe, ni wowe ugomba kubifata. Ubuzima bwawe ni inshingano zawe bwite. Gira gahunda, shyiraho intego ntoya z'umunsi ku munsi, kandi wiyemeze gukomeza kuzikurikiza—ibi nibyo bizana impinduka z'igihe kirekire kuri wowe.
iii. Hitamo gukora aho gutakaza umwanya mu guhora wiregura
Kwibanda ku nzozi bisaba imbaraga, ariko gutaaka no kunenga abandi biroroshye. Iyo wibanda ku byo ushaka kugeraho, buri munsi utera intambwe ijya imbere. Gerageza gutera intambwe ntoya igana ku gisubizo: tegura gahunda yawe y'icyumweru yo kugira icyo ukora kuntego zawe, kandi biguhindukire akamenyero kawe buri munsi.
iv. Menya ko akazi ari akazi— Urakorera inyungu za Company/ikigo ukorera
Akazi ugira kagufasha kubaho, ariko ntago kakuzanira ibyishimo bihoraho. Gakore neza kandi witange, ariko unashake uko wubaka ubuzima bwawe bwiza bujyanye n'intego zawe bwite. Wipanga gukora ako kazi ufite, ubuzima bwawe bwose. Ikindi kandi nubwo uri kugakora, Shaka uburyo bwo gutandukanya akazi n'ubuzima bwite: Zirikana igihe cyo kuruhuka, kwita ku muryango no gukora sport - ibyo byose ni ingenzi ku buzima wawe.
v. Hitamo neza uwo uzabana na we mu buzima bwawe
Uwo uhitamo kubana na we afite ingaruka ku buzima bwawe bwose. Iyo uhisemo nabi, ushobora kubaho mu gahinda k'igihe kirekire. Hitamo uwo muziranye neza, mubane mufite intego zisa kandi kuburyo muzafashanya. Mu kubaka umubano ukomeye, guhuza intego n'imyumvire ni ingenzi — kubaka umubano ku rukundo rusange rwo kureba umuntu ukumva uramukunze gusa, bishobora kukuzanira ibibazo bikomeye mu myaka iri imbere.
vi. Gukura(Ibitekerezo bishya) mu bwenge biba iyo uri wenyine
Iterambere rizaramba rimwe na rimwe riza mu gihe uri wenyine. Kuba wenyine biguha umwanya wo gutekereza, kwiyigisha no kumenya aho ugomba gukosora. Gukunda kuba uri wenyine bishobora gutuma wiga byinshi: intege nke zawe n'imbaraga zawe. Fata igihe cyo gusoma, kwiyigisha, no kwandika intego - ibi bizagufasha gukura vuba.
vii. Tangira ubu, witegereza igihe utekereza ko kizaba ari cyiza
Nta gihe kizwi kizaba kiza kurusha ikindi. Abategereza "umunsi mwiza" rimwe na rimwe bamara imyaka myinshi nta na kimwe bakoze. Gutegereza igihe cyiza bishobora gutuma udakora na kimwe. Tangira none — n'iyo intego yaba nto ariko utangire — kuko iterambere rituruka ku bikorwa bisubirwamo buri munsi, si ku gikorwa kinini kimwe.
viii. Emera kwigira kubandi buri munsi
Kwemera ko ukeneye abandi no kwigira kubyo banyuzemo ni ishingiro ry'ubwenge. Nta muntu wamenya byose wenyine. Abandi bafite ibyo bagushoboza kwiga, kandi bikagufasha gukura. Ntuzigere wumva ko byose ubizi — ahubwo wumve neza ko buri wese afite icyo yakwigisha. Gufungurira umutima wawe ibitekerezo bishya n'ubunararibonye by'abandi bizagufasha kwaguka mu buryo bwa career yawe ndetse n'ubuzima.
ix. Reka guhangayikishwa n'ibyo abandi batekereza kubyawe
Ibitekerezo by'abandi ntacyo bihindura ku buzima bwawe mu by'ukuri. Iyo uharanira kuba uwo abandi bashaka, uba uretse kuba uwo ugomba kuba. Uzagendere ku ntego zawe bwite. Icyo abandi batekereza si cyo kizagena agaciro kawe. Shyira imbaraga mu byo ushobora kugenzura — akazi, imyitozo, imibanire — aho guta imbaraga zawe ushaka kumenya uko abandi bagutekereza.
x. Ujye wibanda ku buzima bwawe, ntukajye utinya amakosa
Amakosa ni amasomo. Kora, ugerageze, wige, kandi ukomeze. Zirikana ko abantu bakunda kuzirikana cyane amakosa yawe! Gutinya gukora ikintu ngo kugira abandi batazaguseka wongeye gukoramo amakosa, ni wowe bizasigira ingaruka.. Iby'ingenzi ni ukumenya icyo wakuyemo ubundi ukajya mbere ugakosora — bizatuma wubaka icyizere kandi bikugabanyirize ubwoba.
xi. Ba umunyampuhwe kuri wowe ubwawe
Ntukibagirwe kwiyubaha no kwiyifuriza ibyiza. Uwo ureba mu ndorerwamo ni umuntu watsinze byinshi kandi wigobotoye ibigeragezo. Wigeze gutsindwa? — ibyo ni ibisanzwe. Jya ufata umwanya wo kwiyubaha no kwihanganira urugendo rwawe. Kwiyubaha bituma ugarura imbaraga no gukomeza mu ntambwe zose z'iterambere.
Uko watangira uyu munsi (Action plan)
Dore intambwe 3 zoroshye wakora uyu munsi:
